Aelog's Blog

الــــــــــــذاهبـــه

Posted on: 4 يوليو 2008

الله اللي راد والعقده قضاها اللي عقدها

لا على الدنيا سلام ولا لباقي العمر زينه

الفضا ما كنه الا خيمةٍ طاحت عمدهــــا

والفرح ما كنه الا شيخ انقصت يمينـــــه

والعمر قطعة زجاج انكسرت ولا طال امدها

والعرب فالعيد بدموع اليتامى مستهينه

والشوارع لفها ثوب الظلام اللي هــــــجدها

والبيوت اطلال من عقب المحبه والسكينه

الشتا والليل والبرد وسما يصرخ رعــــــدها

والعيون اللي ورا الشباك مذعوره حزينه

طولو فـالكهف الاصحاب وبقت روحي وحدها

كنها في كوكـــــــــب ثاني خلا من ساكنينه

والوداع اللي بعلم العين يعبر من رمــــــــــدها

والوداع اللي بلا علم القفي الصدري غبينه

والوداع اللي بلا رجعه علي يامر ودهــــــــــــــا

والله انه غرغرة سم وسكاكين سنينــــــــــه

والعنود اللي جفيت الناس والدنيا بعدهــــا

مدت الفرقا لغاليها وهي تعطي الثــــــمينه

وينها؟كيف اتركتني ليه ما جت في وعدها

والقمر لا طل خابرها تجي بيني وبينـــــــه

رحت انادي واتلمس في مهب الريح يدهـا

كني حصان بلا صاحب طوى البيدا حنينه

رحت اصيح الصبح وينه والعرب ما رد احدها

ما سمعت الا صدى صوتي يقول الصبح وينه؟

كنهم من يوم ذيك الشمس غابت عن بلدهــــــــا

طلعوني في النفوذ وصكو ابواب المدينـــــــه

كنهم من يوم ذيك الذاهبه محد وجدهـــــــــــــــا

كل رجال من الشرهه قلع فـ الدرب عينـــــــه
اثرها ماتت وما تت كل فرحه في مهدها

والربيع اقفت به اللي كانت التاج لجبينــــه

جاورت عقب الحدايق حفرة مقسى لحدها

حفرة ما ني مصدق كيف ضمت ياســــمينه
للحزن فيني مثل ما للطهاره في جسدهــــــــا

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدهـــا

آه لو غرد ولدها في خميلة والدينـــــــــــــــــه
عاهدتني واظفرت بيمين اقوى من عهدها

والصبي لا خير فيه ان كان ما نفذ يمينه

ماتتقى عن رثاها عرقٍ اكتظ بشهدها

ولا تبقى خلف قضبان الجفن عذرى سجينه

كيف عند العالم ايام العزا مـ حصى عددها

وإلا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها

قال يبشر بالعوض والعلم جينا ناقلينــــــــــــــه

ساق لك بدر البدور اللي نشدها من نشدها

جادل هزت عروش وخيبت روس ذهيــــــــــنه

قسمها في رسمها في جسمها الا في رشدها

واسمها ان جا للغضب قوله على الالسن رطينه

اترك الناي وعطيت شيخنا عن لسعدها

وانبسط يا عم وانسى اللي ورا التربه دفـــــينه

قلت ولصدري تناهيت تروع من شهقها

آه واويلاه من يجلب على قلبي ضنيــــــنـــه

خلو اغلى ذاهبه ترعى ربيع اللي فقدها

والعطا راعيه لحد صوبه الله لا يهيـــــنه

لو ضمنت الجنه تفاحة القلب وشهدها

قلت من بكره عسى مجنونها تاقف سنينه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


  • Mr WordPress: Hi, this is a comment.To delete a comment, just log in, and view the posts' comments, there you will have the option to edit or delete them.
  • مجرد انسان: وعععععععععععععععععععععحرام عليك الله يصلحك
  • مجرد انسان: خخخخخخخخخخخخخخخخخخخخخ

تصنيفات

%d مدونون معجبون بهذه: